Türkiyənin Adana vilayətində bankdan pul çıxarmağa gələn şəxs, içində 35 min 673 lirə olan portmanat tapıb. Ucnoqta.az İHA-ya istinadən xəbər verir ki, hadisə Seyhan rayonunun Çinarlı məhəlləsində baş verib.
Lətif Dağlı adlı bir vətəndaş Atatürk küçəsi, 4 yol qovşağına yaxın bir bankın filialına pul çıxarmağa gəlib. Dağlı bankdan növbə çeki alıb, sonra oturaraq gözləməyə başlayıb.
Bu arada Dağlı yan oturacaqda pul qabının olduğunu görüb.
Dərhal pul qabını götürərək açıb için baxıb. Pul qabının içində 5 min 371 lirə dəyərində 900 dollar, 30 min 102 lirə dəyərində 4 min 500 avro və 200 lirə olduğunu görüb.
Lətif Dağlı polisə zəng vuraraq bankdan pul qabı tapdığını, içində xeyli miqdarda pulun olduğunu bildirib.
Bankın filialına gələn polis əməkdaşları Dağlını şöbəyə aparıblar.
Əməkdaşlar protokol qarşılığında pul qabını Lətifdən alıblar.
Polisin apardığı araşdırmalar nəticəsində pul qabının sahibi tapılıb və portmanat ona geri qaytarılıb.
Namiq