ABŞ prezidenti Donald Trampın administrasiyası ilin sonuna qədər 7 min ağdərili Cənubi Afrikalı (Afrikaner) köçürmək niyyətindədir.
Ucnoqta.az xəbər verir ki, bu barədə Ağ Evdəki mənbələrə istinadən The Washington Post (WP) məlumat yayıb.
Nəşr iddia edir ki, ABŞ-nin qaçqınların yerləşdirilməsi proqramının nəzərdən keçirilməsinin bir hissəsi olaraq, maksimum 7,500 kvotadan ən azı 7,000 yer əvvəllər proqram üçün uyğun olmayan Afrikanerlərə ayrılacaq.
İndiyədək 400 ağdərili Cənubi Afrikalı ABŞ-a daxil olub, lakin daha 6000 Afrikaner oktyabr və ya noyabr aylarında ölkəyə köçürülə bilər.
Qəzetin sözlərinə görə, qalan yerlər ya ingilisdillilərə, ya da söz azadlığı ilə bağlı fikirləri ABŞ administrasiyasının fikirləri ilə eyni olanlara ayrılacaq.
WP qeyd edib ki, Trampın gəlişi ilə qaçqınların yerləşdirilməsi proqramı kəskin şəkildə azalıb.