Formula 1 üzrə ikiqat dünya çempionu ispan Fernando Alonso gələcək karyerası ilə bağlı qərarını 2026-cı ilin yayında verməyi planlaşdırır.
Ucnoqta.az xəbər verir ki, pilotun şərhini Formula 1 mətbuat xidməti sitat gətirir.
"Hələ bu barədə düşünmürəm. Düşünürəm ki, qərar gələn il, bəlkə də yayda və ya daha tez veriləcək. 2025-ci ilin ikinci yarısını mümkün qədər yaxşı başa vurmaq istəyirik, o zaman 2026-cı il olacaq. Hələlik 2027-ci ili proqnozlaşdırmaq mümkün deyil" - Alonso deyib.
Alonsonun 43 yaşı var, o, iki dəfə (2005, 2006) çempion, üç dəfə (2010, 2012, 2013) dünya vitse-çempionu olub. 2018-ci ildə o, Formula 1-də karyerasını başa vurub, 24 saat Le Man yarışında iki dəfə qalib olub və 2021-ci ildə "kral yarışına" qayıdıb. 2022-ci ildən Aston Martin komandasında yarışır; 2025-ci il mövsümünün şəxsi hesabında 12 mərhələdən sonra ispan 14-cü yerdədir.