İndoneziyanın Yava adasındakı əhəngdaşı karxanasında baş verən sürüşmə nəticəsində azı 13 nəfər ölüb, 10-a yaxın adam yaralanıb.
Ucnoqta.az xəbər verir ki, bu barədə yerli təbii fəlakətlərin idarə olunması təşkilatının rəhbəri Denis Nurahyaya istinadən AFP (Agence France-Presse) agentliyi məlumat yayıb.
İndiyədək 13 cəsəd tapılıb. Onun sözlərinə görə, növbəti əməliyyat-axtarış tədbirləri iyunun 1-dək təxirə salınıb. Bu qərar növbəti çökmə riski ilə əlaqədar verilib.
AFP-nin məlumatına görə, oxşar hadisə daha əvvəl bu karxanada 2025-ci ilin fevralında baş verib.