UEFA Konfrans Liqasının rəsmi tviter səhifəsi "Qarabağ"ın futbolçusu Kadi Borgeslə bağlı paylaşım edib.
Postda Ağdam klubunun Kiprdə "Omoniya"nı 4:1 hesabı ilə məğlub etdiyi qrup mərhələsinin II tur oyununda braziliyalı yarımmüdafiəçinin vurduğu baxımlı qolun videosu yerləşdirilib.
Müxtəlif klublardan daha 3 futbolçunun fərqləndiyi epizodların yer aldığı paylaşımda "Uzaq məsafədən vurulmuş hansı qol daha yaxşıdır"? sualı da ünvanlanıb.
Qeyd edək ki, Kadi Borgesin sözügedən qolu Konfrans Liqasında qrup mərhələsinin ən yaxşısı seçilib.///report