Yaponiyanın "Vissel Kobe" klubunda çıxış edən Andres İnyesta İspaniya "Barselona"sına qayıtmaq istəyir.
"Report"un məlumatına görə, bu barədə 37 yaşlı yarımmüdafiəçi "El Mat de Catalunya"ya açıqlamasında bildirib.
İspaniyalı oyunçu gələcəkdə nə olacağını bilmədiyini söyləyib: "Bir gün "Barselona"ya qayıtmaq istərdim. Amma hansı statusda olacağımı bilmirəm. Başqalarına kömək etmək üçün evimə qayıtmaq istəyirəm. Nəyə hazır ola biləcəyimi anlayıram. Məşqçi lisenziyası almaq istərdim. Lakin gələcəkdə bu sahədə olub-olmayacağımı deyə bilmərəm".