Futbol üzrə 2022-ci il dünya çempionatının Avropa zonası üzrə seçmə mərhələsində V tura yekun vurulub. "Report"un məlumatına görə, ikinci oyun günündə 5 qrupda 12 qarşılaşma baş tutub. B qrupunda İspaniya millisi Gürcüstanı böyük hesabla məğlub edib. Yunanıstan isə səfərdə Kosovo ilə heç-heçə edib. Avropa çempionu İtaliya millisi səfərdə İsveçrə ilə üz-üzə gəlib. Görüş qolsuz bərabərliklə yekunlaşıb. I qrupunda mübarizə aparan İngiltərə Andorraya 4 cavabsız qolla qalib gəlib. Bu qrupun digər oyununda Polşa səfərdə San Marinonun qapısından 7 top keçirib. J qrupunda isə Almaniya Ermənistanı darmadağın edib - 6:0.