İyunun 6-da futbol üzrə Azərbaycan yığması təlim-məşq toplanışı çərçivəsində sonuncu 3-cü yoldaşlıq oyununu keçirəcək.
Azərbaycan yığması səfərdə Moldova millisinin qonağı olacaq.
Kişinyovdakı “Zimbru” stadionunda oynanılacaq qarşılaşma Bakı vaxtı ilə saat 20:00-da başlayacaq.
Bu, iki kollektiv arasında sayca 11-ci görüş olacaq. İndiyədək baş tutan 10 oyunun 8-i yoldaşlıq, 2-si isə dünya çempionatının seçmə mərhələ matçlarına təsadüf edib. Bu qarşılaşmaların üçündə Moldova, ikisində Azərbaycan yığması qələbə qazanıb. Beş görüşdə qalib müəyyənləşməyib.
Qeyd edək ki, Moldova millisinə hazırda “Neftçi”nin sabiq baş məşqçisi Roberto Bordin rəhbərlik edir.
6 iyun
Yoldaşlıq oyunu
20:00. Moldova - Azərbaycan
Kişinyov, "Zimbru" stadionu