Qaraciyər yağlanması günümüzün xəstəliyidir. Son illərdə piylənmənin artması, qeyri-sağlam qidalanma vərdişləri, oturaq həyat tərzi və spirt istehlakının artması bu problemin əsas səbəblərindəndir
Ucnoqta.az xəbər verir ki, qastroenteroloq Yılmaz Bilgiç qaraciyər yağlanmasının səbəbləri və risklərindən danışır.
Prof.Dr.Bilgiç bildirib ki, qaraciyər yağlanması günümüzün ən vacib sağlamlıq problemlərindən birinə çevrilib. Qaraciyər yağlanması xəstəliyinin son 30-40 ildə artdığına diqqət çəkən Bilgiç, bu artımın əsas səbəbləri ilə bağlı bunları söylədi:
Birincisi alkoqolsuz yağlı qaraciyər xəstəliyidir. Bu tip yağlı qaraciyər xəstəliyi adətən obez və şəkərli xəstələrdə görülür. Ancaq genetik meylə görə arıq insanlarda da meydana gələ bilər. İkincisi spirtli qaraciyər yağlanması xəstəliyidir. Uzun müddətli və müntəzəm spirt istehlakı nəticəsində meydana gəlir. Üçüncüsü metabolik yağlı qaraciyərdir. Bu kökəlmə bəzi xəstəliklərlə yaranan metabolik sindromun bir hissəsidir.
Qaraciyər yağlanması xəstəliyinin heç bir əlamət olmadan irəliləyə biləcəyini ifadə edən Bilgiç bu vəziyyətin xüsusilə yüksək riskli şəxslər üçün təhlükəli olduğunu qeyd etdi. Xəstələr ümumiyyətlə sağ üst kadranda dolğunluq və ağrı hissi ilə müraciət edirlər. Ancaq bir çox hallarda qan analizlərində və ya başqa səbəblərdən çəkilən ultrasəs müayinələrində təsadüfən aşkar edilir. Ən riskli qruplar şəkərli diabet, spirt istehlakı və piylənmə ilə birlikdə olan fərdlərdir".