Boliviyada baş verən partlayış nəticəsində azı 5 nəfər ölüb.
Ucnoqta.az xəbər verir ki, bu barədə “La Razon” məlumat yayıb.
Hadisə aprelin 3-də iki mədən briqdasının işçiləri arasında münaqişə zamanı baş verib. Partlayıcı qurğu dizel yanacağı olan çəlləkdə gizlədilib və uzaqdan işə salınıb.
Nəticədə biri bir yaşlı uşaq olmaqla 5 nəfər ölüb.
Əraziyə nəzarəti təmin etmək üçün hadisə yerinə 350 polis əməkdaşı gəlib.
Yerli hakimiyyət orqanları və hüquq-mühafizə orqanları partlayışın gücünə görə ölənlərin cəsədlərinin tanınmasının çətin olduğunu bildiriblər.