İsrail ordusu girovları azad etmək, HƏMAS hərəkatına təzyiqi artırmaq üçün Qəzza zolağında keçirdiyi əməliyyatın əhatə dairəsini genişləndirib.
Ucnoqta.az xəbər verir ki, bunu yəhudi dövlətinin müdafiə naziri İsrael Katz Qəzza sakinlərini öz qüvvələri ilə “Həması devirməyə” çağıraraq deyib.
"Qəzzada "Cəsarət və Qılınc" əməliyyatı ərazinin terrorçuların və terror infrastrukturunun məhv edilməsi və təmizlənməsi, eləcə də İsrail Dövlətinin təhlükəsizlik zonalarına birləşdiriləcək geniş ərazilərin İsrail Müdafiə Qüvvələrinin nəzarətinə verilməsi məqsədi ilə genişləndirilir", - Katz bildirib.
O, İsrail hərbçilərinə uğurlar arzulayıb və vurğulayıb ki, əməliyyatın məqsədi "hər şeydən əvvəl, HƏMAS-ın imtinası qarşısında bütün girovları azad etmək üçün təzyiqi artırmaqdır".