Çin hakimiyyəti ABŞ-da Çin şirkətlərinin yeni investisiya layihələrinin qeydiyyatı və təsdiqinə məhdudiyyətlər qoyub.
Ucnoqta.az xəbər verir ki, bu barədə mənbələrə istinadən Bloomberg məlumat yayıb.
Məlumata görə, son həftələrdə Milli İnkişaf və İslahat Komissiyasının (NDRC) regional bölmələrinə ABŞ-a sərmayə qoymağı planlaşdıran şirkətlərin yeni müraciətlərinin qeydiyyatını və təsdiqini dayandırmaq tapşırılıb.
Bloomberg mənbələri bunun hələ ictimaiyyətə təsdiq olunmayan qeyri-rəsmi tədbir olduğunu iddia edir. Agentlik izah edir ki, bu cür tədbirlərin tətbiq edilməsinə səbəb Çin və ABŞ arasında ticarət gərginliyi olub.
Çin şirkətlərinin ABŞ-da mövcud investisiyaları və onların Amerika maliyyə aktivlərində iştirakı yeni məhdudiyyətlərə tabe deyil.
Bununla belə, tətbiq edilən mexanizm xaricə çıxan kapital axınlarına nəzarəti gücləndirir ki, bu da Pekin tərəfindən Vaşinqtonla danışıqlarda təzyiq aləti kimi istifadə edilə bilər.