Dolu və tufanla müşayiət olunan güclü yağış Səudiyyə Ərəbistanının qərbində Məkkə, Mədinə və Ciddə də daxil olmaqla bir neçə şəhərin küçələrini su basıb.
Ucnoqta.az xəbər verir ki, bu barədə çərşənbə axşamı "Khaleej Times" məlumat yayıb.
Güclü yağış səbəbindən magistral yolları və alçaq küçələri su basıb.
Səudiyyə Ərəbistanının Milli Meteorologiya Mərkəzi Məkkə əyalətinin bəzi hissələri üçün qırmızı təhlükə elan edib.
Agentlik həftə ərzində mülayim və leysan xarakterli yağış, tufan və toz fırtınasının davam edəcəyini proqnozlaşdırır.
Səudiyyə mətbuatı xəbər verir ki, Məkkə Qızıl Aypara Cəmiyyəti Milli Meteorologiya Mərkəzinin xəbərdarlığından sonra xəbərdarlıq səviyyəsini artırıb.
Əyalətdə operativ qərargah, mobil təcili yardım stansiyaları və çevik reaksiya qrupları yerləşdirilib.