0
Çin həkimləri Uhan şəhərində pnevmoniyanın yeni virusu “2019-nCoV”a 4 yeni yoluxma hadisəsini qeydə alıblar.
Bu barədə “Report” TASS-a istinadən xəbər verir. Bildirilir ki, Səhiyyə üzrə Bələdiyyə Komitəsi bu virusa yoluxanların ümumi sayının 45 nəfərə qədər artdığını bildirib.
Onlardan 5-i ağır vəziyyətdədir, daha 15 pasiyent artıq tibbi məntəqələrinə yazılıb. Stasionar müalicədə olanların vəziyyəti sabit kimi qiymətləndirilir.
Qeyd edilir ki, hələlik 2 ölüm hadisəsi qeydə alınıb.
Dekabrın 31-də Çin hakimiyyəti Ümumdünya Səhiyyə Təşkilatını ölkənin mərkəzi hissəsində yerləşən Uhan şəhərində naməlum pnevmoniyanın yayılması haqqında məlumatlandırıb.