Rusiyanın Buryatiya əyalətində “AN-24” sərnişin təyyarəsinin qəzaya uğraması nəticəsində 2 pilot ölüb, 7 nəfər isə xəsarət alıb.
Ucnoqta.az “RenTV”yə istinadən xəbər verir ki, insident iyunun 27-si səhər saatlarında Nijneanqarsk şəhər tipli qəsəbəsində qeydə alınıb.
Məlumata görə, təyyarə havaya qalxdıqdan bir müddət sonra mühərriklərindən birində nasazlıq yaranıb və bundan sonra ekipaj komandiri aeroporta qayıtmaq qərarı alıb. Təyyarə hava limanına eniş zamanı qalxış-eniş zolağından 100 metr kənara çıxaraq kanalizasiya təmizləyici binaya çırpılaraq yanmağa başlayıb.
Bilidirilir ki, hadisə nəticəsində 43 nəfər xilas olunub. Təyyarə Nijneanqarskdan Ulan-Udeyə uçurmuş.
Hadisə yerinə yanğınsöndürən və səhiyyə briqadaları cəlb olunub.
Qəzanın təfərrüatları araşdırılır.
Namiq