52 rayon və şəhərdə işəgötürənlər məlumatlandırılıb

Dövlət Məşğulluq Xidməti bu il 52 rayon və şəhərdə işəgötürənlərin məlumatlandırılması məqsədi ilə dəyirmi masalar keçirib

Bu il Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən işəgötürənlərin məlumatlandırılması məqsədi ilə 52 rayon və şəhərdə dəyirmi masalar keçirib. Nazirliyin İctimaiyyətlə əlaqələr şöbəsindən Ucnoqta.az-a verilən məlumata görə, tədbirlər  “Məşğulluq haqqında” Qanunun qüvvəyə minməsi ilə əlaqədar,  həmçinin “Sosial  tərəfdaşlığın  məşğulluğun təminatında rolu” və “Qeyri-rəsmi məşğulluğun qarşısını alınması” mövzularında işəgötürənlərin məlumatlandırılması məqsədi daşıyıb.

Şəhər (rayon) İcra Hakimiyyətlərinin, Həmkarlar İttifaqı Təşkilatlarının nümayəndələrinin də iştirak etdiyi dəyirmi masalarda məşğulluq haqqında qanunvericilikdə əksini tapan yeniliklər qeyd olunub.
İşsiz və işaxtaran vətəndaşların məşğulluğunun təminatı, aktiv əmək bazarı proqramlarının genişləndirilməsi sahəsində atılan addımlar haqqında işəgötürənlərə ətraflı məlumat verilib.