“Şagirdlərin asudə vaxtının səmərəli təşkil olunmasına Təhsil Nazirliyi xüsusi diqqət yetirir. Bu, əsasən məktəbdənkənar müəssisələrdə həyata keçirilir”
"Ucnoqta.az" xəbər verir ki, bunu Modern.az-a açıqlamasında təhsil nazirinin müavini Firudin Qurbanov deyib. Onun sözlərinə görə, həm paytaxtda, həm də bölgələrdə belə müəssisələr fəaliyyət göstərir.
“Onların sayı 145-dir. Bir çox şagirdlər məktəbdənkənar müəssisələrdə istedadını nümayiş etdirir və gələcək peşə istiqamətlərini seçə bilirlər. Məktəbdənkənar fəaliyyət müxtəlif istiqamətlərdə davam edir. Burada ekoloji tərbiyə, texniki yaradıcılıq mədəniyyətlə bağlı istiqamətlər var. Burada rəqs, musiqi dərsləri təşkil olunur. Xüsusilə gənclərin sağlamlığını nəzərə alaraq sağlam həyat tərzinə istiqamətləndirmək üçün çalışırıq ki, şahmat məktəblərini təşkil edək. Məktəblilərin marağı yüksəkdir və müsabiqələrdə fəal iştirak edirlər”.