0
Biləsuvar rayonunda yol-nəqliyyat hadisəsi baş verib. Ucnoqta.az “Report”a istinadən xəbər verir ki, hadisə Ələt-Astara magistral yolunun Biləsuvar rayonunun ərazisindən keçən hissəsində qeydə alınıb.
Belə ki, yük maşını ilə “VAZ-2107” markalı avtomobilin toqquşması nəticəsində bir nəfər yaralanıb. Yaralı ağır vəziyyətdə Biləsuvar Rayon Mərkəzi Xəstəxanasına çatdırılıb, həkimlərin müdaxiləsinə baxmayaraq, onun həyatını xilas etmək mümkün olmayıb.
Qəzada ölən şəxsin “VAZ-2107” markalı avtomobilin sürücüsü, Biləsuvar şəhər sakini, 1955-ci il təvəllüdlü Səttar Duman oğlu Qasımov olduğu müəyyənləşib.
Faktla bağlı araşdırma aparılır.