Azərbaycan Respublikası Gənclər və İdman Nazirliyinin maliyyə dəstəyi ilə Qəbələ Regional Gənclərin Resurs Mərkəzi İctimai Birliyi tərəfindən həyata keçirilən "Region gəncləri arasında Azərbaycan tarixi mövzusunda olimpiadalar və intellektual oyunlar" layihəsi başa çatdı.
Layihə çərçivəsində 16-21 aprel 2017-ci il tarixlərində Qəbələ, Oğuz və Şəkidə tədbirlər təşkil edilib.
Qəbələ Regional Gənclərin Resurs Mərkəzi İctimai Birliyinin sədr müavini Anar Məhərrəmov layihə haqqında tədbir iştirakçılarına geniş məlumat verib. Qeyd edib ki, layihənin əsas məqsədi Azərbaycan tarixini öyrənmə və öyrətmənin təbliği, gənclər arasında tariximizi öyrənmənin əhəmiyyətini diqqətə çatdırmaq, gənclər arasında tarixi abidələrimizi öyrənməyin və qorumağın təbliği və s. istiqamətinə yönləndirilib.
Layihənin eksperti Ümüdvar Həsənov gənclər arasında tariximizi öyrənmənin əhəmiyyətini diqqətə çatdırmaq, gənclərin şüurunda vətənə sədaqət, azərbaycançılıq məfkurəsinin bərqərar edilməsi, Azərbaycanın dünyanın ən qədim yaşayış məskənlərindən biri olduğu, tarix boyu yadellilərə qarşı mübarizəsi, müstəqillik uğrunda xalqımızın mübarizəsi, müstəqil Azərbaycan dövlətinin qurucusu Ulu Öndər Heydər Əliyevin müdrik siyasəti, Azərbaycanın regionda lider ölkə olması, Cənab Prezidentimiz İlham Əliyevin uğurlu siyasəti, Heydər Əliyev fondunun tarixi abidələrimizin, milli mədəniyətimizin dünyada təbliği və qorunmasına qayğısı, gənclər arasında vətənpərvərlik və vətəndaşlıq hisslərinin artırılması, gənclər arasında milli mənlik şüurunun formalaşdırılması və s. haqqında geniş məlumat verdi.
Daha sonra Azərbaycan tarixi mövzusunda intellektual oyunlar təşkil edildi, qaliblər qiymətli hədiyyələr və diplomlar ilə təltif olunublar.