Azərbaycan Vergilər Nazirliyində bir sıra idarələr departamentlərə çevrilib. Nazirliyin saytında verilmiş məlumata görə, dəyişikliklər vergi siyasəti və strateji araşdırmalar, daxili təhlükəsizlik, vergi risklərinin təhlili və nəzarət, eləcə də hüquqi idarəetmə idarələrində baş verib.
Bundan başqa, Vergi ödəyicilərinə xidmət Baş idarəsi Vergi ödəyicilərinə xidmət və şəffaf vergi tərəfdaşlığı Departamenti, Ərazi vergi orqanları ilə iş üzrə Baş İdarə Ərazi vergi orqanları ilə iş Departamenti, Beynəlxalq əməkdaşlıq və maliyyə təşkilatlarında vergi monitorinqi Baş idarəsi eyniadlı Departament olaraq adlandırılıb.
Bu dəyişikliklərlə birgə hazırda nazirliyin tərkibində bir baş idarə – vergi cinayətləri və vergi borclarının alınması işinin təşkili baş idarəsi, 11 departament, 3 idarə və şöbə, nazirliyin aparatı, bir bölmə və tədris mərkəzi mövcuddur.