Əmlak Məsələləri Dövlət Komitəsi sentyabr ayında vertolyotların hərracını keçirəcək. Bununla bağlı məlumat komitənin rəsmi internet səhifəsində yerləşdirilib. Məlumatda bildirilir ki, sentyabrın 14-də baş tutacaq hərraca çıxarılan vertolyotların sayı 3 ədəddir. “Azərbaycan Hava Yolları” QSC-nin balansında olan hava nəqliyyat vasitələrinin hər üçü ikinci dəfədir hərraca çıxarılır. Onların ikisinin buraxılış ili 1993-cü, biri isə 1991-ci ilə aiddir. Hər üç hava gəmisinin tipi Mİ-8 MTV1-dir.
Zavod nömrəsi Dövlət qeydiyyat nişanı Start qiyməti 10% beh
(manatla) (manatla)
96109 20152 134271 13427
96122 20153 134323 13432
95627 20154 130023 13002
Qeyd edək ki, Hərraclar Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində keçiriləcəkdir (Zeynal Xəlil küçəsi 11). Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:
1. Sifarişçinin şəxsiyyətini təsdiq edən sənəd;
2. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh Mərkəzi Bankda – AZ65NABZ01361150000000004944 nömrəli hesaba köçürülməlidir.