30
Yer kürəsində müşahidə olunan geomaqnit fəallığın avqustun 21-dək davam edə biləcəyi açıqlanıb.
Ucnoqta.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu və Sibir Bölməsinin Günəş-Torpaq Fizikası İnstitutunun Günəş Astronomiyası Laboratoriyası məlumat yayıb.
Mütəxəssislərin bildirdiyinə görə, geomaqnit fəallığın azalması hələ müşahidə olunmur. Bununla belə, G1-dən yüksək səviyyəli maqnit qasırğasının baş verməsi gözlənilmir.
Fəallığın əsas səbəbi Günəş küləyinin sürətinin artmasıdır. Hazırda onun sürəti saniyədə təxminən 600 kilometr təşkil edir ki, bu da normal göstəricidən təxminən 50 faiz çoxdur.