İran ABŞ və İsrail gəmilərinin Hörmüz boğazından keçidinə qadağa qoydu

ABŞ və İsraillə əlaqəli gəmilərin Hörmüz boğazından keçməsinə qoyulan qadağa qüvvədə qalır.

Ucnoqta.az xəbər verir ki, bu barədə İran Silahlı Qüvvələrinin Xatəm əl-Ənbiya Mərkəzi Qərargahının sözçüsü İbrahim Zülfəqari bildirib.

"Düşmən gəmilərinin Hörmüz boğazından keçmək hüququ yoxdur və olmayacaq, digər gəmilərin isə İran İslam Respublikası Silahlı Qüvvələrinin qaydalarına tabe olaraq boğazdan keçməsinə icazə veriləcək" – İran dövlət televiziyası onun sözlərini sitat gətirib.