İdman Akademiyasına qəbul olunanların qabiliyyət imtahanında dəyişiklik təklif olunur.
Ucnoqta.az xəbər verir ki, bunu Milli Məclisin Gənclər və idman komitəsinin Gənclər və İdman Nazirliyi, Milli Olimpiya Komitəsi və idman federasiyaları ilə görüşü zamanı Azərbaycan Üzgüçülük Federasiyasının Baş katibi Oqtay Atayev deyib.
Baş katib bildirib ki, İdman Akademiyasına qəbul zamanı müəyyən normativləri yoxlamaq üçün qabiliyyət imtahanı verilir.
O bildirib ki, bundan əlavə idmanın inkişafı üçün stiumul verilməlidir:
“Bu gün Azərbaycan universitetlərə qəbul olunmaq üçün maksimum bal 700-dür. Həmin bal 5-6 fənn üzrə verilən imtahanlardan toplanır. Hər fənndən 10 bal çıxılsa və o idman qabiliyyəti üçün hesablansa, artıq İdman Akademiyasına qəbul olunmaq istəyən hər bir abituriyent çalışacaq ki, digər fənlərdən toplaya bilmədiyi balları toplasın”.
“Burada həmçinin şəffaflıq təmin olunacaq, subyektiv məsələlər olmayacaq” – o sonda qeyd edib.