2
Müdafiə Nazirliyində mühüm kadr dəyişikliyi baş verib.
Ucnoqta.az “Unikal”a istinadən xəbər verir ki, general-mayor Azər İbrahimov nazirliyin Daxili Təhlükəsizlik və Təchizat Baş İdarəsinin rəisi təyin olunub.
O, bu təyinata qədər Dövlət Sərhəd Xidməti rəisinin müşaviri olub.
Qeyd edək ki, Prezident İlham Əliyevin Sərəncamı ilə ona 16 avqust 2018-ci ildə general-mayor rütbəsi verilib.
O, “Azərbaycan bayrağı”, “Hərbi xidmətlərə görə” orden və medalla təltif edilib.
A. İbrahimov 44 günlük Vətən müharibəsində döyüşdüyü Cəbrayıl istiqamətində düşmənə qarşı əməliyyatlarda fərqlənib. O, Prezidentin Sərəncamı ilə “Cəbrayılın azad olunmasına görə” medalı ilə də təltif olunub.