İsveçrə Virusologiya İnstitutunun alimləri müəyyən ediblər ki, koronavirus orqanizmə daxil olduqda, immunitet sisteminin müdafiəsini zəiflədən müəyyən zülalın qarşısını ala bilir. Bu prosesin qarşısının alınması patogenin təsirini molekulyar səviyyədə zəiflədə bilər.
Ucnoqta.az xəbər verir ki, tədqiqatın nəticələri PNAS-da (Proceedings of the National Academy of Sciences) dərc edilib.
Alimlər SARS-CoV-2-nin immun sisteminin hüceyrələri ilə qarşılıqlı təsirinin ətraflı təhlilini aparıblar və onun mexanizmlərini herpes virusunun fəaliyyəti ilə müqayisə ediblər.
Təcrübələr zamanı onlar müəyyən ediblər ki, koronavirus hüceyrələrdə xüsusi zülalı bloklayır və bu da STING kompleksinin əmələ gəlməsinə səbəb olur.
STING hüceyrə stressi, infeksiya və ya xərçəng siqnallarına cavab olaraq aktivləşdirilir.
Bu, hüceyrələrin stress və zərərlə öhdəsindən gəlməyə kömək edən prosesləri sürətləndirir, eyni zamanda iltihabın artmasına və "sitokin fırtınası"na – bədənin aqressiv immun reaksiyasına səbəb ola bilər.
Tədqiqatın aparıcı müəllifi, professor Van Rijnsbergenin sözlərinə görə, zülalın bloklanmasının qarşısının alınması virusun fəaliyyətini ləngidir və yeni terapevtik metodların yaradılması perspektivini açır.
Tədqiqat qrupu hazırda immun sisteminin zülallarını hədəfə almaq üçün yeni metodların işlənib hazırlanması üzərində işləyir ki, bu da effektiv antiviral dərmanların inkişafına səbəb ola bilər.