F-16 qırıcısının yanacaq çəni yaşayış sahəsinə düşdü

ABŞ Hərbi Hava Qüvvələrinin F-16 döyüş təyyarəsindən yanacaq çəni Florida ştatının Niceville şəhərində yaşayış massivinə düşüb.

Ucnoqta.az xəbər verir ki, bu barədə çərşənbə günü ABŞ Hərbi Hava Qüvvələrinin şəhər yaxınlığında yerləşən Eqlin bazasının mətbuat xidmətinin yaydığı məlumatda deyilir.

“Yanvarın 7-də səhər saat 11 radələrində 300 gallonluq yanacaq çəni 96-cı Sınaq Qanadına təyin edilmiş F-16 "Fighting Falcon"dan düşüb. Yanacaq çəni Niceville şəhərinin yaşayış massivindəki Eglin Hərbi Hava Qüvvələrinin bazasına düşüb”, – sənəddə deyilir.
Çənin düşməsi nəticəsində ölən və yaralananların olmadığı bildirilir.

Faktla bağlı araşdırmalara başlanılıb.