Avstriyada 7,5 milyon dollar dəyərində super avtomobil qəzası baş verib.
Ucnoqta.az xəbər verir ki, Reddit istifadəçisi serpantin yolda baş verən yol-nəqliyyat hadisəsinin fotosunu paylaşıb. “Ferrari 812 Superfast”ın sürücüsü sürüşkən enişdə idarəetməni itirərək “Ferrari LaFerrari” ilə toqquşub, o isə öz növbəsində “McLaren Elva” sürət avtomobilini vurub.
Üçüncü nəsil “Bentley Continental GTC” qarşıdakı avtomobillərlə toqquşmadan qaça bilməyib.
Qəza nəticəsində zədələnmiş bütün avtomobillər bərpa oluna bilər, lakin sığorta şirkətləri pul ödəməli olacaqlar.
Fakt budur ki, “Ferrari LaFerrari” orta hesabla təxminən beş milyon dollar, “McLaren Elva” 1,8 milyon dollar, “Ferrari 812 Superfast” ən azı 450 min dollar, “Bentley Continental GTC” isə 300 min dollardır.
Şəkil maşınları dəqiq müəyyən etməyə imkan vermir: nömrələr görünmür, hətta dəyən ziyanın həcmini də çox şərti qiymətləndirmək olar.