Amerikanın “Apple” korporasiyası süni intellekt (AI) texnologiyalarına əsaslanan Siri səs köməkçisinin irimiqyaslı yeniləməsini hazırlayır.
Ucnoqta.az xəbər verir ki, bu barədə Bloomberg mənbələrə istinadən məlumat yayıb.
Məlumata görə, şirkət böyük dil modelləri (LLM) əsasında Siri-ni öyrətmək və beləliklə, süni intellekt xidmətləri bazarında öz mövqeyini möhkəmləndirmək üçün köməkçinin dialoqu saxlamaq və mürəkkəb sorğuları daha sürətli emal etmək qabiliyyətini təkmilləşdirmək niyyətindədir.
Agentlik qeyd edir ki, Apple keçən ay özünün AI inkişafı Apple Intelligence-i təqdim etsə də, onun funksionallığı hələ də şirkətin bu sahədəki rəqiblərindən daha dar olaraq qalır.
Bloomberg-in məlumatına görə, yenilənmiş səs köməkçisi LLM Siri iş adını alıb.
Korporasiya onu iPhone, iPad və Mac-da ayrıca proqram kimi sınaqdan keçirir. Agentlik qeyd edir ki, nəticədə xidmət “Apple”ın hazırkı səsli köməkçisini “tamamilə əvəz etməlidir”.
Şirkət iOS 19 və macOS 16 əməliyyat sistemlərinin yeni versiyalarının təqdimatı çərçivəsində 2025-ci ildə qarşıdan gələn yeniləməni elan etməyi planlaşdırır.