İsrail ordusu Livan ərazisinə daxil olub. Yerli media baş verənləri Üçüncü Livan Müharibəsi adlandırıb.
Ucnoqta.az-ın məlumatına görə, yerli jurnalistlər xəbər verir ki, İsrailin zirehli texnikası Metula bölgəsində Livanla sərhədi keçib.
Göründüyü kimi, İDF Livanın cənubunda dəfələrlə elan etdiyi quru işğalına başlayıb. İsrail sərhəddə 20 kilometrlik bufer zona yaratmağı planlaşdırır.
İDF istehkamçıları Livanın cənubunda maneələri aradan qaldırır.
Livanlı təhlükəsizlik mənbəsinin Reuters agentliyinə verdiyi məlumata görə, Livan qoşunları Livanın cənub sərhədi boyunca İsraillə sərhədin beş kilometr şimalındakı mövqelərdən geri çəkilib.
Geri çəkilmə İsrailin Livanın cənubuna qaçılmaz quru işğalının əlamətlərinin artması fonunda baş verir. Eyni şəkildə, Livan ordusunun rəsmisi AFP-yə bildirib ki, Livan ordusu geri çəkilmir, lakin "cənub sərhədində yerləşdirilmiş qoşunları hərəkətə gətirir və yenidən qruplaşdırır".
ABŞ Dövlət Departamentinin sözçüsü Metyu Miller bildirib ki, İsrail Livanda bir sıra məhdud quru əməliyyatları barədə ABŞ-ı məlumatlandırıb.