Milyarderin cəsədi Siciliya sahillərində batmış yaxtadan çıxarılıb

.İtaliyalı xilasedicilər Siciliya sahillərində batmış yaxtadan “Britaniyalı Bill Qeyts”in – Mayk Linçin və onun 18 yaşlı qızı Hannanın cəsədlərini çıxarıblar

Ucnoqta.az xəbər verir ki, Avropa mediasının məlumatına görə, ümumilikdə dörd cəsəd tapılaraq sahilə çıxarılıb.

Hadisə yerində işlər davam edir.

56 metrlik Bayesian yaxtası bazar ertəsi səhər tezdən Porticello sahillərində fırtına zamanı batıb.
Gəmidə 22 nəfər olub: 10 ekipaj üzvü və 12 sərnişin. Xilasedicilər 15 nəfəri sağ çıxara biliblər. Həmin gün kapitan ölü tapılıb.

İtkin düşənlərin cəsədlərini tapmaq üçün dalğıclar kabinələrin divarlarını yarmalı olublar.