2
Litvada Riqa – Kalininqrad marşrutu ilə hərəkət edən sərnişin avtobusu yoldan çıxaraq aşıb, 20 nəfər müxtəlif dərəcəli bədən xəsarətləri alıb.
Ucnoqta.az xəbər verir ki, bu barədə Delfi xəbər portalı özünün Telegram kanalında məlumat yayıb.
Məlumata görə, qəza bazar ertəsi səhər tezdən Litvanın Kalininqrad vilayəti ilə həmsərhəd Şakiai rayonunda baş verib. Avtobusda ümumilikdə 47 nəfər olub, xəsarət alanlara tibbi yardım göstərilir. Xəsarət alanlar arasında uşaqlar da var.
Litvanın hüquq-mühafizə orqanları hadisənin baş vermə şəraitini müəyyənləşdirir. Avtobusu Latviya vətəndaşı idarə edib.