Fransalı aktyor Jerar Depardye cinsi qısnama iddiası ilə bağlı sorğu-sual olunmaq üçün Parisdə polis idarəsinə çağırılıb.
Ucnoqta.az xəbər verir ki, bu barədə BFMTV kanalı məlumat yayıb.
Aktyor iki qadın tərəfindən cinsi təcavüzdə ittiham olunur. Dindirmə zamanı müzakirə olunan hadisələr 2014-cü ildə Jan-Pyer Mokinin “Sehrbaz və Siamlılar” filminin çəkiliş meydançasında və 2021-ci ildə Jan Bekkerin “Yaşıl Panjurlar” filminin çəkiliş meydançasında baş verib. Jerar Depardye ittihamları rədd edir.
Məlumdur ki, ispan jurnalist Rut Basa da Depardyeyə qarşı şikayət edib – o, 1995-ci ildə aktyorun təqibindən danışıb: o zaman onun 23 yaşı var idi və Depardyedən müsahibə almışdı.
Adının açıqlanmasını istəməyən rejissor Jan-Pyer Mokinin keçmiş köməkçisi yanvarın əvvəlində Depardye tərəfindən təzyiqlərə məruz qalması ilə bağlı şikayət edib.