Milli-mənəvi dəyərlərə, ölkəmizin tarixinə və cəmiyyətin inkişafına xüsusi həssaslıqla yanaşan “Daşlı bulaq” markası öz ənənəsinə sadiq qalıb.
Ucnoqta.az xəbər verir ki, yeni tədris ilinin başlaması ilə əlaqədar “Daşlı bulaq” markası tərəfindən Gədəbəyin Çaldaş, Səbətkeçməz, Düzyurd və Parakənd kəndlərində 1-ci sinfə hazırlaşan bütün şagirdlərə məktəbli çantaları və dərs ləvazimatları hədiyyə edilib. Hədiyyələri şagirdlərə adıçəkilən markanın rəhbər şəxsləri və yerli icra hakimiyyəti orqanlarının nümayəndələri təqdim edib.
Qeyd edək ki, Gədəbəydə istehsal edilən minerallarla zəngin “Daşlı Bulaq” suları yüksək keyfiyyətini qorumaqla mənbəyindən süfrələrinizə çatdırılır. Adıçəkilən marka dağ zirvəsində təbii daşlardan süzülərək gələn, təbiətdə nadir hallarda təsadüf olunan təbii filtrasiyalı mineral süfrə suyudur. “Daşlı Bulaq” təbii filtrasiyalı süfrə suyunun mənbəyi Azərbaycan Respublikasının Kiçik Qafqaz dağları ərazisinin Gədəbəy bölgəsində, dəniz səviyyəsindən 2500 metr yüksəklikdə, dağ zirvəsində yerləşir.