Hikmət Hacıyev xarici diplomatlarla Naxçıvana səfər edib –

Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Xarici siyasət məsələləri şöbəsinin müdiri Hikmət Hacıyev Naxçıvan Muxtar Respublikasına səfər edib.

APA-nın Naxçıvan bürosu xəbər verir ki, Hikmət Hacıyev bu gün Naxçıvanda keçiriləcək “Heydər Əliyev və Azərbaycanın xarici siyasəti” mövzusunda tədbirdə iştirak edəcək.

Tədbir iştirakçıları, eləcə də Avropa İttifaqı Azərbaycandakı nümayəndəliyinin rəhbəri Peter Mixalko, Azərbaycanda Respublikasında akkreditə olunmuş diplomatik korpus nümayəndələri əvvəlcə ümummilli lider Heydər Əliyevin Naxçıvan şəhərinin baş meydanında ucalan abidəsini, Heydər Əliyev Muzeyini ziyarət ediblər.