Sumqayıtda 13 yaşlı qızı şəkilləri ilə şantaj etdilər

Sumqayıtda azyaşlı şəkilləri ilə şantaj olunub.

Lent.az xəbər verir ki, şəhər sakini D.R. polisə ərizə ilə müraciət edərək naməlum şəxsin onun 13 yaşlı qızını şantaj etdiyini bildirib.

Qeyd olunur ki, naməlum şəxs azyaşlının qeyri-münasib şəkillərini sosial şəbəkədə yayacağı ilə hədələyərək anasından pul tələb edib.

Daxil olan şikayət əsasında Sumqayıt Şəhər Polis İdarəsi tərəfindən araşdırma aparılır.