0
Xaçmazda dörd nəfərin xəsarət alması ilə nəticələnən yol-nəqliyyat hadisəsi baş verib.
"Report"un məlumatına görə, hadisə şəhərin Zərifə Əliyeva prospektində qeydə alınıb.
Belə ki, "VAZ-2107" markalı avtomobil hərəkətdə olan "Mercedes" markalı avtomobilə çırpılıb.
Nəticədə rayon sakinləri – 2003-cü il təvəllüdlü Mirbaba Elnur oglu Hacıyev, 2005-ci il təvəllüdlü Emin Muxtar oglu Şabətdinov, 2003-cü il təvəllüdlü Ramil Qərib oglu Abdullayev və 2004-cü il təvəllüdlü Nihad Cavid oglu Əlimirzəyev müxtəlif dərəcəli bədən xəsarətləri alıblar.
Yaralılar Xaçmaz Rayon Mərkəzi Xəstəxanasına çatdırılıblar.
Faktla bağlı araşdırma aparılır.