Meteohəssas insanlar havada istənilən dəyişikliyi hiss edirlər. Maqnit qasırğaları dövrü isə xüsusilə şiddətli hesab olunur.
Ucnoqta.az Lent.az-a istinadən 2022-ci ilin noyabr ayı üçün geomaqnit qasırğaları cədvəli və meteohəssas insanlar üçün bu çətin dövrdə özlərinə necə kömək etmək barədə tövsiyələri təqdim edir.
Noyabr ayında gözlənilən maqnit qasırğaları cədvəli
Noyabrda maqnit qasırğalarının gücü əsasən zəifdən mülayimə qədər dəyişəcək.
Geomaqnit qasırğalarının müşahidə olunacağı günlər:
• 1, 3, 4, 11, 26 noyabr – orta hesabla 4 bal;
• 2, 5, 10 noyabr – orta hesabla 5 bal;
• 12, 16, 17, 24, 25, 27, 28, 29, 30 – 3 bal.
Maqnit qasırğaları insan orqanizminə necə təsir edir?
Meteohəssas insanlar ilk növbədə maqnit qasırğalarını hiss edirlər. Əsas əlamətlər bunlardır:
• enerjinin zəifləməsi;
• baş ağrısı;
• əhvalın pisləşməsi;
• yuxunun pozulması;
• depressiya;
• qan təzyiqində sıçrayışlar.
Orqanizmi maqnit qasırğalarına necə hazırlamaq olar?
Mütəxəssislər geomaqnit qasırğalarına əvvəlcədən hazırlaşmağı məsləhət görürlər. Məsələn, bir gün əvvəl çox işləməyin, açıq havada daha çox vaxt keçirin – gündə ən azı bir saat, yüngül yeməklər yeyin – balıq, tərəvəz, daha çox su içmək, spirtli içkiləri və siqareti məhdudlaşdırın.
Maqnit qasırğaları zamanı nə etmək olmaz?
Maqnit fırtınaları zamanı siqaret, spirt və qəhvədən imtina etməlisiniz – bütün bunlar artıq bədənə, o cümlədən sinir sisteminə təsir göstərir.
Konsentrasiya və artan diqqət tələb edən şeyləri, o cümlədən maşın sürməyi təxirə salmalısınız.