“Yüksəliş” müsabiqəsinin mentorluq proqramı çərçivəsində müsabiqənin idarəçi rəhbərləri ilə qalibləri arasında görüşlər davam edir. Ucnoqta.az xəbər verir ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev “Yüksəliş” müsabiqəsinin qalibi Semral Əliyevlə görüşüb.
Görüşdə Ülvi Mehdiyev “Yüksəliş” müsabiqəsinin ölkəmiz üçün faydalarından danışaraq növbəti müsabiqədə də “ASAN xidmət” əməkdaşlarının həvəslə qoşulmaq niyyətində olduqlarını bildirib. Həmçinin mentorluq proqramı çərçivəsində maraqlı layihələrin icrasının nəzərdə tutulduğunu qeyd edib.
Dövlət Agentliyinin əməkdaşı, “Yüksəliş” müsabiqəsinin qalibi Semral Əliyev dövlət xidmətləri və ağıllı hökumət quruculuğu sahəsində mentor ilə birgə faydalı layihələrdə işləməklə daha çox idarəçilik təcrübəsi qazanmaqda maraqlı olduğunu bildirib.