Hindistan polisi ölkənin şimalında fermerlərin öldürülməsindən bir neçə gün sonra ölkənin daxili işlər nazirinin oğlu Aşiş Mişri şübhəli şəxs qismində saxlanıldığını bildirib.
“Report”un məlumatına görə, bu barədə “ABC News” polisə istinadən xəbər verib.
Rəsmilər və fermaların rəhbərləri bildiriblər ki, Mişrın avtomobilinin Uttar Pradeş əyalətinin Lakhimpur Kheri şəhərində bir qrup etirazçını vurması nəticəsində dörd fermer ölüb. Ferma rəhbərləri avtomobilin etirazçıları vuranda Mişrın oğlunun maşında olduğunu iddia etsələr də, nazir bunu inkar edir.
Avtomobilin sürücüsü və hakim partiyanın maşında olan üç üzvü hadisədən sonra etirazçılar tərəfindən döyülərək öldürülüb.
Polis rəsmisi Upendra Agarwal bildirib ki, Aşiş Mişr gündəlik sorğu-sualdan sonra tutulub, lakin o, nazirin oğlunun fermerləri vuran üç maşının heç birində olmadığına dair heç bir sübut təqdim etməyib.
Aşiş Mişrin atası Ajay Mişr oğlunun hadisə yerində olmadığını söyləyib.
Hindistanda etirazların artması ötən ilin sentyabrında hökumətin qəbul etdiyi qanunlar fonunda baş verib. Ötən həftə minlərlə fermer nümayişlərin bir illiyini qeyd etmək üçün paytaxt Yeni Dehlinin ətrafında toplanıb.
Hökumət qanunlarda edilən dəyişikliklərin kənd təsərrüfatının modernləşdirilməsi və özəl investisiyalar hesabına istehsalın artırılması üçün lazım olduğunu söyləyir. Ancaq fermerlər bildirirlər ki, qanunlar gəlirlərini məhv edir və onları məhsullarını korporasiyalara daha aşağı qiymətə satmağa məcbur edir.