İsrail İrana hücumları dayandırıb, lakin Tehrandan gələn hər hansı bir hücuma cavab vermək hüququnu özündə saxlayır.
Ucnoqta.az xəbər verir ki, İsrail Baş naziri Binyamin Netanyahu bunu televiziya çıxışında bildirib.
"Hazırda atəşkəs mövcuddur, çünki Tehrandakı terrorçu rejimi vurduqdan sonra bizə hücum etməyi dayandırdı. İrandakı terrorçu rejimi səhv edib bizə yenidən hücum edərsə, bütün gücümüzlə cavab verəcəyik", - deyə o bildirib.
Baş nazir bunu ölkəsinin özünümüdafiə hüququ kimi izah edib və bu mövqeyi ABŞ Prezidenti Donald Trampa çatdırdığını qeyd edib. "İsrailin özünümüdafiə hüququ var və biz bundan lazım olan dərəcədə istifadə edəcəyik. Bunu sizə, yaxşı dostum Prezident Trampa minnətdarlıq və hörmətlə dediyim kimi deyirəm", - deyə Netanyahu həmvətənlərinə müraciət edərək bildirib.
O, həmçinin İranın və onun Livan müttəfiqi "Hizbullah"ın "hər zamankindən daha zəif", İsrailin isə onun fikrincə "hər zamankindən daha güclü" olduğuna əminliyini bir daha təkrarlayıb.