Çin Milli Statistika Bürosunun (NBS) məlumatına görə, Çin əhalisi 2025-ci ildə 3,39 milyon nəfər azalaraq 1,40489 milyard nəfərə çatıb.
Ucnoqta.az xəbər verir ki, dərc olunmuş hesabata görə, hesabat dövründə Çində 7,92 milyon doğum və 11,31 milyon ölüm hadisəsi baş verib. Doğum və ölüm nisbətləri müvafiq olaraq hər min nəfərə 5,63 və 8,04 təşkil edib.
Rəsmi hesablamalara görə, Çinin kişi əhalisi il ərzində 0,3% azalaraq 716,85 milyona, qadın əhalisi isə 0,1% azalaraq 688,04 milyona düşüb.
Ölkə vətəndaşları arasında 16-59 yaş arası insanların nisbəti 851,36 milyona çatıb. Bu, 2024-cü il rəqəmləri ilə müqayisədə 0,7% azalma deməkdir. 65 yaş və yuxarı əhali 1,5% (223,65 milyon nəfər) artıb.
Bundan əlavə, 2025-ci ildə Çinin şəhər əhalisi 1% (10,3 milyon nəfər) artaraq 953,8 milyona çatıb. Kənd yerlərində 451,09 milyon nəfər (2,9% azalma və ya 13,69 milyon nəfər) yaşayır. Urbanizasiya nisbəti 67,89%-dir.