"Mahir ay brat" ləqəbi ilə tanınan meyxanaçı Mahir Qonşuyev azadlığa buraxılıb.
Ucnoqta.az xəbər verir ki, Bakı Apellyasiya Məhkəməsi bu barədə qərar verib. Məhkəmə birinci instansiya məhkəməsinin hökmünü əsas tutaraq ona yenidən elektron qolbaq tətbiq edib və o, məhkəmə zalından azad olunub.
Qeyd edək ki, Mahir Qonşuyev 2023-cü ilin iyununda həbs edilib. Ona qarşı Cinayət Məcəlləsinin 234.1-1 (satış məqsədi olmadan külli miqdarda narkotik əldə etmə, saxlama, daşıma) maddəsi ilə ittiham irəli sürülüb.
Bakı Ağır Cinayətlər Məhkəməsi 30 yanvar 2024-cü il hökmünə əsasən, Mahir Qonşuyev barəsində 1 il 8 ay müddətə azadlığın məhdudlaşdırılması (elektron qolbaq daşıma) cəzası təyin edilib. Meyxanaçı məhkəmə zalından birbaşa azadlığa buraxılıb.
Bir qədər əvvəl M.Qonşuyev qaydaları pozduğu üçün barəsində olan azadlığın məhdudlaşdırılması cəzası ləğv edilib və azadlıqdan məhrumetmə ilə dəyişdirilib.