Gürcüstanda parlament seçkilərinin yekun nəticələri açıqlanıb
Ucnoqta.az xəbər verir ki, bu barədə Mərkəzi Seçki Komissiyasının yekun iclasında Mərkəzi Seçki Komissiyasının katibi Giorgi Cavaxişvili deyib. Gürcüstanın hakim partiyası “Gürcü arzusu – Demokratik Gürcüstan” parlament seçkilərində 53,93% səslə qalib gələrək qanunverici orqanda 150 yerdən 89-unu qazanıb.
Cavaxişvili bütün partiyaların aldığı səslərin faizini açıqlayıb. “Gürcü Arzusu” ilə yanaşı, dörd müxalifət partiyası 5%-lik baryeri keçib. “Dəyişiklik Koalisiyası” 11,03% toplayaraq 19 mandat, “Birlik – Milli Hərəkat” 10,17% və 16 mandat, “Güclü Gürcüstan” 8,81% və 14 mandat, “Gürcüstan üçün Qaxariya” 7,78% və 12 mandat alıb.
Xatırladaq ki, oktyabrın 26-da Gürcüstanda parlament seçkiləri keçirilib.