"30 il biz özümüzü aldatmışıq ..." - Paşinyandan görüş öncəsi açıqlama

12:13 - 26 Noyabr 2021 - Xəbər

Ermənistanın Baş naziri Nikol Paşinyan Sünik (Zəngəzur) vilayətinin icma rəhbərləri ilə görüşündə Zəngəzur dəhlizi və Qarabağla bağlı açıqlama verib.

Ucnoqta.az xəbər verir ki, bu barədə erməni nəşri “Hraparak” qəzeti məlumat yayıb. Məlumata görə, Paşinyan erməniləri Qarabağın Azərbaycana məxsus olması fikri ilə barışmağa çağırıb.
“Sadəcə 30 il biz özümüzü aldatmışıq və sonda baş verənlər məhz elə də olmalı idi”, - deyə Paşinyan qeyd edib.

Bununla yanaşı, Paşinyan Zəngəzur dəhlizindən danışarkən bunları vurğulayıb: “Biz nə yolları açmaya, nə də Azərbaycana Zəngəzur ərazisindən Naxçıvana aparan yol verməyə bilərik, çünki Azərbaycan buna hərbi yolla nail olmağa çalışacaq. Bizim isə müqavimət göstərməyə resursumuz yoxdur”.

Xəbər xətti