Argentinada “WBO Latino”nun keçmiş çempionu Leonardo Xavier Qonsales ağır yol qəzası nəticəsində dünyasını dəyişib. Ucnoqta.az xəbər verir ki, hadisə noyabrı 3-də Buenos-Ayres əyalətinin Tiqre şəhərində qeydə alınıb.
Qəzanın görüntüləri təhlükəsizlik kamerasına düşüb.
Kadrlarda, idarəetmədən çıxan minik avtomobilinin fırlandığı və işıq dirəyinə çırpıldığı görülür.
Bildirilir ki, məhrum boksçu qəza zamanı avtomobilin sərnişin kreslosunda olub. Məhz maşının da sərnişin tərəfindən olan hissəsi dirəyə çırpılıb.
Nəticədə 44 yaşlı Leonardo Xavier Qonsales hadisə yerində keçinib, sürücü isə ağır vəziyyətdə xəstəxanaya yerləşdirilib.
Qeyd edilir ki, Qonsales 1995-ci ildən 2013-cü ilə qədər Argentinanın peşəkar döyüşçüsü olub.
Namiq Musayev