Paytaxtda, Heydər Əliyev prospektində qəza baş verib.
Ucnoqta.az Trend-ə istinadən xəbər verir ki, qəza prospektin köməkçi yolunda, metronun "Koroğlu" stansiyası istiqamətində qeydə alınıb. “Hundai” markalı 90-NO-760 dövlət nömrə nişanlı minik avtomobili “Shacman” və “İsuzu” markalı yük avtomobillərinin arasında qalıb.
Hadisə yerinə DYP əməkdaşları cəlb olunub. Qəza nəticəsində Heydər Əliyev prospektinin köməkçi yolunda tıxac yaranıb.