Ötən il ABŞ-ın telekommunikasiya şirkəti “Verizon”a satılan internet nəhəngi “Yahoo”nun 20 ildir istifadə etdiyi mesajlaşma tətbiqi “Yahoo! Messenger” bağlanacaq. “Qafqazinfo” xarici mətbuata istinadən xəbər verir ki, tətbiq iyulun 17-dən etibarən fəaliyyətini dayandıracaq. Şirkət açıqlamasında qeyd edib ki, “Yahoo! Messenger” bu tarixə qədər normal şəkildə fəaliyyət göstərəcək. Qeyd edək ki, “Yahoo” “Verizon” şirkətinə 9 iyun 2017-ci ildə 4,5 milyard dollara satılıb.