"Bakı şəhəri və ətraf rayonlarda mövsümlə əlaqəli kəskin respirator virusu sürətlə yayılıb".
"Ucnoqta.az" "Ölkə.Az"a istinadən xəbər verir ki, bunu Azərbaycan Tibb Universitetinin (ATU) II uşaq xəstəlikləri kafedrasının professoru Surxay Musayev deyib.
Onun sözlərinə görə, xəstəliyin uzun müddət davam etməsi pnevmaniya mərhələsinə keçməsinə səbəb olur: "Uşaq və böyüklər arasında sürətlə yayılan bu virus insanların həftələrlə qızdırmanın düşməməsinə, yataq rejimində olmasına səbəb olur. Buna səbəb insanların antibiotiklərdən tez-tez istifadə etməsidir. Nəticədə orqanizm antibiotikə öyrəşir və sonrakı istifadələrdə bədəndə reaksiya vermir. Antibiotiklərin qəbulu kəskin şəkildə orqnizmdə immun sistemini zəiflədir. İki həftədən uzun çəkən bronxtilər, burun-qulaq nahiyyəsində olan iltihabi proseslər, uzun müddətli hərarətlər, mədə-bağırsaq xəstəlikləri, xroniki yorulma hissi, tez yorulmaq, işə getməmək həvəsi, yuxululuq hissi immunitetin pozulmasının ilkin əlamətləridir”.
"Ümumdünya Səhiyyə Təşkilatının məlumatına görə, orta hesabla yer üzündə sakinlərin 10 faizinin immuniteti çox yüksəkdir. Sakinlərinin 10 faizində isə bu və ya digər formalı immun çatışmazlıqları var. Yerdə qalan 80 faizə yaxın sakinlərin immuniteti özlərindən asılıdır. Bu onların normal həyat tərzindən, qidalanması,fiziki gərginliyi, ekoloji amilləri, yuxu rejimindən asılıdır” - mütəxəssis qeyd edib.