Dövlət Gömrük Komitəsinin sədri, gömrük xidməti general-polkovniki Aydın Əliyevin rəhbərlik etdiyi nümayəndə heyəti Gürcüstanda səfərdədir. DGK Mətbuat Xidmətindən Ucnoqta.az-a verilən məlumata görə, Tbilisidə Ümumdünya Gömrük Təşkilatının (ÜGT) İnformasiya Texnologiyaları üzrə konfrans və sərgisində iştirak edən nümayəndə heyəti informasiya texnologiyaları sərgisinə baxış keçirib, sərgidə nümayiş olunan gömrük nəzarətinin təşkili prosesində tətbiq edilən ən müasir innovativ yeniliklər, texniki nəzarət vasitələri ilə tanış olublar.
